Gazel

Öyle ser-mestem ki idrâk etmezem dünyâ nedür
Men kimem sâkî olan kimdür mey û sahbâ nedür
 
Gerçi cânândan dil-i şeydâ içün kâm isterem
Sorsa cânân bilmezem kâm-ı dil-i şeydâ nedür
 
Vasldan çün aşık-ı müstâğni eyler bir visal
Aşıka maşukdan her dem bu istiğnâ nedür
 
Hikmet-i dünyâ vü mâfiha bilen arif degül
Arif oldur bilmeye dünyâ vü mâfiha nedür
 
Ah u feryâdun Fûzûlî incidübdür âlemi
Ger belâ-yı aşk ile hoşnûd isen gavga nedür


Fûzûlî


     www.intersiir.com  <---  Şiir alemine geçit...